| 救救警察叔叔! 與上帝携手創造奇蹟! 劉金明先生自十九歲加入輔警，去年十二月進行換腎手術，康復神速，聖誕節已出席公開活動，雖然已於三年前的公務人員一職上提出退休，但實際上永不言休，從未離棄輔警的工作，更熱心服務警隊，並被選為荃灣區輔警總代表，致力促進警隊的支援工作，自多來熱心參與多個大厦法團的義務保安策劃。 不幸地，劉Sir於十多日前患上乙型肝炎，引致急性肝衰竭，日前進入了肝昏迷狀態，命懸一線，現急需進行換肝手術，而瑪麗醫院肝臟移植中心團隊的醫生及醫護人員經已準備就緒。然而萬事俱備，只欠東風，院方現只欠一個合適的肝臟，可惜其妻子血型不合，而獨子雖然血型吻合，但卻因未滿十八歲而不能捐肝。劉Sir現時的情況非常危急，隨時有性命之虞！我們現呼籲全港市民，如有B 或 O 型血的而又願意捐贈的健康人士，請即與瑪麗醫院肝臟移植科聯絡，電話：2855 4177。 劉Sir於清醒期間已決志信主 瑪麗醫院於1991年中成為全港唯一肝臟移植中心，並設二十四小時召喚系統，技術獲國際一流水平，因人才及資源集中，院方至今成功完成超過四百宗移植手術，經驗十分豐富。 劉Sir於清醒期間已決志信主，若然成功換肝，你將會是見證上帝大能的生命鬥士。我們一家現向社會各界急切呼籲： 1. 全港市民具 B/ O 型而身體健康人士或有同樣條件之離世者的家人，請即與瑪麗醫院肝臟移植科聯絡，電話：2855 4177。 2. 全港基督精兵為此代禱，讓上帝的恩典臨到我們當中 謝謝各界的關心，在此特別鳴謝為劉Sir主診的陳詩正醫生，以及瑪麗醫院全體醫護人員，他們終日為劉Sir奔波勞碌，感激之情，未能盡筆! 劉金明先生、妻子及兒子 幫幫忙散開去吧！ |
| |
| Ronald提議話畢業旅行可以去民丹島喎~ 正呀!! 勁鍾意去呢d 地方渡假，好似去左第二個世界咁，勁嘆(炭)~ 要開始儲錢喇...(究竟"草"錢個"草"字點寫...無聽過人講"柱"錢...) 民丹島...等我呀~ 馬爾代夫...你都要等我呀~唔好咁快沉住呀~ |
| |
| 開學啦 又見到上個sem教finance個阿sir...佢今日公開我地上次evaluation寫既comment...XDDD 佢話有同學講，話聽唔明佢講既英文，之後就大力咁重申自己曾經住過加拿大，從來無鬼佬話聽唔明
佢話因為佢教既係新concept，所以令到我地理解上有困難，所以就出現聽唔明既問題... 我地成班笑而不語。 跟住開始講書，佢話呢個世界未有money出現之前，人類係用咩黎做交易架
有人答以物易物，ok~大家都知係咩事 但係佢竟然話，可唔可以舉一個example...真係WTF 深既concept又唔講清楚，呢d咁白痴無關係既野你又要花時間... 不過都係o個句，搵兩餐姐大佬~俾下面啦~自己做好自己本份，買書睇下增進知識咪得咯 可唔可以搵個9歲神童take呢科financial engineering呀...俾我學下野丫...我唔想拎D呀... |
| |
| 好感動呀~N咁多年無打日記...update完竟然有兩條友仔留言
T^T，你兩個真係好鬼識乙水我開心 XDDDD 一條白頭髮姐，濕碎啦~唔使擔心... 好快會變到好似我咁"型"架喇 XD 問老婆借左水滸傳黎睇，嘩! 本書舊到呢~ 勁有風味，似足民初時期d書，仲唔俾我搵到個藉口去GOD買o個件我恨左好耐既長衫，襯番本書丫嘛~ 個故仔又幾得意既，不過我暫時所睇到既所謂好漢，其實真係一介莽夫，唔識打既就靠食腦咯
本書成日寫佢地聯群結黨"打家劫舍"...oh shit!! 堂堂"好漢"走去打家劫舍...
真係爭唔落，冇骨氣~ (不過可能係我誤解左文字既意思，皆因此版本非用現代白話...) 恭喜老婆成功考取2牌!!!!!!! 唔知舅父仲可唔可以問到人買演唱會飛呢~想睇醫神演唱會啊~咁arm老婆又有興趣，如果有就好咯~ |
| |
| 我明白點解會有人話想一日有四十八個鐘 我都唔知點分配時間...如果無得玩下relax下，我諗其實都夠用既 但係我份人真係要玩下去motivate自己...(其實根本係懶) 希望我識得既所有同學同事朋友家人，都可以珍惜身邊既人
因為無人知下一秒會發生咩事
(講就易，自己都做唔到...) 其實兩個人相愛對方但係同時又好多觀點都唔同
有咩解決辦法呢
一人行一步咯...你就下我，我就下你咁，唔使郁d就扯火架
(係人都識講啦，要就一個人咁易架) 生命短暫，開開心心，對得住自己，幫到人，保護自己心愛既野，咁咪幾好咯。
不過，好多時，生活都真係好多野煩架... 睇番呢幾年影既相，由預科開始...幾年到依家...
真係每個時刻都咁開心，多得我有一班咁好既朋友...
我成日都同自己講，我咁大個人，到依家廿幾歲仔都仲有咁多貴人圍住我，執到啦你 個天賜左好多特別既野俾我，最特別梗係我老婆啦...
不過除左老婆，佢仲賜我一撮白髮，一隻得個樣既耳仔，同埋一道小疤痕...
好似童話故事入面d法寶，唔知呢三樣野將來會有咩用既呢...古人話，天生我材必有用嘛~XD 我今日唔知做咩會打d咁既野...無聊得滯? 其實應該要準備fyp架... |
| |
